Wikipedia:Ukens artikkel på nynorsk/Uke 9, 2016

Raudrev er det mest vanlege rovdyret i reveslekta. Han er utbreidd over store delar av Nord-Amerika og Eurasia. Generelt deler ein raudreven inn i fargevariantane vanleg raudrev, krossrev og sølvrev. Kroppslengda er som regel mellom 83–110 cm, målt frå nasetipp til halerot. Han er langbeint og hurtig, og kan nå ein toppfart på nærmare 50 km/t. I vill tilstand kan ein forvente ei gjennomsnittleg levetid på ca. 3 år; i fangenskap lever revar opp mot 12–13 år.

Såkalla norsk eller skandinavisk raudrev har gjerne ein klar raud til raudbrun pelsfarge med kvite teikningar i brystet, på halsen, kinnet og på haletippen. Den utviklar tett underull vinterstid og blir normalt 58–80 cm lang, målt frå snutespissen til halerota. Halen, som er bustet og svært frodig, blir gjerne omkring 50 cm lang. Vekta ligg normalt i området 5–15 kg, men vekt over 10 kg er ikkje vanleg. Les meir …